Medieklipp
Brannsjef alvorleg skadd
Brannsjefen i Granvin herad ligg alvorleg skadd på Haukeland sjukehus etter ein husbrann på Djønno natt til tysdag.
Brannsjefen i Granvin herad ligg alvorleg skadd på Haukeland sjukehus etter ein husbrann på Djønno natt til tysdag, skriv Avisa Hordaland.
- Under ettersløkking på branntomta ramla skorsteinspipa, opplyser lensmann Øyvind Rossland i Hardanger.
Pipa trefte to av brannmennene som var i aksjon på staden. Den eine ligg no på Voss sjukehus, med lettare skadar, den andre på Haukeland med alvorlege skadar.
- Ulukka med pipa som ramla er rapportert å ha skjedd klokka 02.02 natt til tysdag, opplyser lensmann Øyvind Rossland.
Ambulanse vart då tilkalla, og begge dei skadde vart først sende til sjukehuset på Voss. Den alvorleg skadde brannsjefen vart sidan overført til Haukeland universitetssjukehus.
