Dobbel opningsseremoni

Fredag vart Haukeland sin nybygde ambulansestasjon for båt- og bilambulanse i Austevoll offisielt opna. Katamaranen ”Rygervakt” fekk samstundes sin dåp i øyriket ut mot Nordsjøen, skriv Helse Bergen på nettsida si.

Den eneståande ambulansebåten, laga hos Brødr. Aa er utstyrt for å brukast i brann- og redningstenesta og ved transport av helsepersonell på heimebesøk i kommunen med 667 øyar.

I tillegg kjem bil- og båtambulanseverksemda som er sjukehuset sine oppgåver. Nybygget inneheld treningsrom, leiligheit, ambulansegarasje og to bustadar for turnuskandidatar som jobbar i kommunen.

1000 oppdrag i året
Ambulansestasjonen har omlag fem hundre båtoppdrag og fem hundre biloppdrag kvart år og er ein av 14 ambulansestasjonar som tilhøyrer Haukeland universitetssjukehus.

Les meir og sjå bilete hjå Helse Bergen